nan dimakasuik dunie adolah ria
Mato dunie lobo tamak
talingo dunie rakuih
Hiduang dunie napasu
Hangok dunie upek-puji
Lidah dunie mauji kato urang
Tabuah dunie dangki
Paruik dunie bimbang
Hati dunie kacau balau
Ampadu dunie pamberang
Jantuang dunie aniayo
Rahasio dunie cimburu
Pungguang dunie kabancian
padok dunie durhako pada Tuhan

Hiasan dunie harato haram
Musuah dunie hiduik mamadoi jo rela pado nikmaik Tuhan
Sanjato dunie mancakiak urang
Dubalang dunie dangki kianaiak
Kanan dunie susah
Kiri dunie rugi
Kaki dunie mungkie
Rumah dunie ria
Pagawai dunie fitnah
Kareta dunie duto
Kakasiah dunie lalai
Palito dunie lupo pada Allah
Pakaian dunie sagalo nan haram
Ayah dunie gilo-giloan
Induak dunie balabeh-balabehan
Dunsanak dunie jahie
Suami dunie duto
Anak dunie mabuak
Cucu dunie gilo
Makanan dunie kikie
Minuman dunie kajamban setan
Gambaran dunie zina

Jikok maleh dinanti rajin
Jikok barek dinanti ringan
Jikok sampik dinanti lapang

Jikok maninrbang samo barek
Jikok maukue samo panjang
Jikok mauji samo merah
Jikok mangati samo barek
Jikok mandidiah samo gadang
Jikok mamacik taguah-taguah

Jikok mengecek piaro lidah
Karano lidah adolah harimau manusia
Jikok maliek piaro mato
Karano mato musuah manusia
Jikok bajalan paliharo kaki
Sabab kaki dapek mancilakokan manusia

Pangka cadiak kuaik batanyo
Pangka kayo hirnaik jo luruih
Pangka Pandeka capek kaki ringan tangan
Pangka pandai rajin baraja

sumber : cimbak.net